Ugrás a tartalomhoz

Régi magyar irodalmi szöveggyűjtemény I.

Ács Pál (1954–), Jankovics József (1949–), Kőszeghy Péter (1951–)

Balassi Kiadó

61

61


      Vis tua facta canam, nec vis dare, Troile, quicquam
          sed dicis: „Tua sic fama perennis erit.”
      Nil de te scribam licet, hoc Tirynthius heros,
          hoc Ithacus nobis, hoc dabit Aeacides,
 5   vel Pagasaea ratis, vel mutua vulnera fratrum,
          vel pars Romanae quaelibet historiae.
      Quid, quod tu pariter celebraberis, et tua semper
          vivent nominibus nomina iuncta meis;
      aut etiam si me neglectus omiserit index,
10       te tamen insignem pagina tota feret?
      Nil ago. Cunctaris pretium taxare poetae.
          Haec summa est: vel da, Troile, vel taceo.