Ács Pál (1954–), Jankovics József (1949–), Kőszeghy Péter (1951–)
Balassi Kiadó
Donec, Anelle, tibi solus portabat asellus
flava volubilibus farra terenda molis,
nunquam iusta domum misero mensura redibat
aut erat externo semine mixta Ceres.
5 Hoc et praetori longo narrare libello,
vicino et memini te mihi saepe queri.
Sed nunc egregiam vafer invenisse videris,
qua caveas posthac talia damna, viam:
nam custos coniunx molitoris furta dolosi
10 servat et ad saccum pulverulenta sedet.
O quam salsus homo es: cui credere granula centum
non potes, uxorem credere, Anelle, potes!