Ács Pál (1954–), Jankovics József (1949–), Kőszeghy Péter (1951–)
Balassi Kiadó
Tu nunc in patria laetum me vivere credis,
cum tamen in dubio sit mea vita loco.
Nunc fluidus laxa prorumpit sanguis ab alvo,
nunc saevit rapida tertia febre dies.
5 Si natalis humus nobis tam triste parabat,
hospitium melius non rediisse fuit.
Quodsi te incolumem superi, Galeotte, reservant,
dimidia videor parte valere mei.