Ács Pál (1954–), Jankovics József (1949–), Kőszeghy Péter (1951–)
Balassi Kiadó
Quod nemorum oblitus posita formidine cervus
non homines metuit, nec rabida ora canum,
mollia sed leviter docili trahit esseda collo,
inclite rex, meriti quis neget esse tui?
5 Talis cornigeris Diana iugalibus alte
frondosi vehitur per iuga Taygeti.
Talis erat nondum famulorum praeda suorum
compos adhuc mentis versus Agenorides.
Quis iam adeo ferus est, tibi qui servire recuset,
10 accipiant ipsae cum tua frena ferae!