Ugrás a tartalomhoz

Régi magyar irodalmi szöveggyűjtemény I.

Ács Pál (1954–), Jankovics József (1949–), Kőszeghy Péter (1951–)

Balassi Kiadó

223

223


      Haec tibi Pannonicis epigrammata mittit ab oris
          inter Hyperboreas maximus Hister aquas.
      Nec te mirari nimium, Galeotte, decebit,
          esse videbuntur vix mea si qua tibi.
 5   Scilicet ingenio multum locus addit et aufert,
          inter et est, sub quo sidere carmen eat.
      In Latiis scripsi fortasse Latinius oris,
          at nunc barbarico barbara in orbe crepo.
      Hic Maro ponatur, lyra fiet rauca Maronis;
10       huc Cicero veniat, mutus erit Cicero.
      Tu tamen haec tali poteris deducere lima,
          vel critici ut medio nata Helicone putent.