Ács Pál (1954–), Jankovics József (1949–), Kőszeghy Péter (1951–)
Balassi Kiadó
Belligeri proceres, me regia castra sequentem
ne frustra ignavi carpite, quaeso, metus,
quod nunquam adversos decurro armatus in hostes,
scando nec obsessi moenia celsa loci,
5 sed spectator iners aliena pericula miror.
Non timor hoc, vestri, credite, cura iubet.
Gloria nempe, viri, petitur longissima vobis:
haec faciles plagas, funera grata facit.
Quodsi pugnantem rapiat sors ulla poetam,
10 quis vestras mortes, vulnera vestra canet?