Ugrás a tartalomhoz

Régi magyar irodalmi szöveggyűjtemény I.

Ács Pál (1954–), Jankovics József (1949–), Kőszeghy Péter (1951–)

Balassi Kiadó

34

34


      Sunt quaedam, prope mille, puto, iam scripta per annos,
          docta quidem, sed non et speciosa satis.
      Tu tamen illa magis, quam nostra poemata, laudas,
          hoc solo, quod sunt anteriora meis.
 5   Tanta tibi nunc est prisci reverentia saecli,
          tam senium canos et venerare dies.
      At rerum plures novitate placere videmus,
          non carie et putri, Bartholomaee, situ.
      Quid pro perversis adeo tibi moribus optem?
10       Hoc opto quamvis exitiosa parum:
      Plus sapiat musto vetus ut tibi vappa Falerno,
          nec gustare nisi marcida poma velis,
      dormiat et tecum formosa Polyxena nunquam,
          verum Hecube, sed iam non anus, immo canis.