Ugrás a tartalomhoz

Régi magyar irodalmi szöveggyűjtemény I.

Ács Pál (1954–), Jankovics József (1949–), Kőszeghy Péter (1951–)

Balassi Kiadó

35

35


      Cum sola antiqui tractarent bella Quirites,
          Aonidum studiis non erat ullus honos.
      Nec nisi quas nuper contexerat aerea cassis,
          post modo cingebant laurea serta comas.
 5   Mox ubi paulatim fratris surrepsit in urbem
          Delius, et fluxit Castalis in Tiberim,
      dulcisona invictam vicerunt carmina gentem,
          nec lituo coepit vilior esse chelys.
      Tunc et Liviacis adplanxit Roma cothurnis,
10       festivos Plauti risit et illa sales.
      At postquam magno per somnia plenus Homero
          Ennius herois condidit arma modis,
      huic eques, huic mixta plaudebat plebe senatus,
          nec non belligeri, Martia turba, duces.
15   Sed sacrum in primis coleret cum Scipio vatem,
          vatis ut ipse sacri maxima cura fuit.
      Praecipue Libycos nam rettulit ille triumphos,
          detractum et Latiis arcibus Hannibalem.
      Nec minus Hispanas acies et foedere iniquo
20       contentum Tauri finibus Antiochum.