Ugrás a tartalomhoz

Régi magyar irodalmi szöveggyűjtemény I.

Ács Pál (1954–), Jankovics József (1949–), Kőszeghy Péter (1951–)

Balassi Kiadó

VIRTUS UNITA VALET. AD PRINCIPES UNGARIAE

VIRTUS UNITA VALET. AD PRINCIPES UNGARIAE


      Nil mare corrumpit, salsum a putredine tutum est,
          Multaque perpetuis motibus acta, vigent.
      Si tamen in fossas derives, atque paludes,
          Vim patitur, dotes nec tenet inde suas.
 5   Dulcibus amittit vires, nitrique vapores
          Exhalant, quoties mutat origo novi.
      Plus unita potest virtus, dispersa labascit,
          Atque suo durant quaelibet apta loco.
      Pignore commutat suavi translata veneno
10       Persicus, et tutis carpitur illa gulis.
      Fluctibus in mediis patriae tot cladibus actae
          Concordi proceres subveniatis ope.
      Nec vos exosae mentes, propriaeque salutis
          Oblitae exagitent, et nota turpis alat.
15   Huniadis memores, ac Regis quaeso Mathiae
          Estote, ad quorum nomina Thurca tremit.
      Diversum ne vos studium disiungat inique,
          Colligat in patriae vos amor unus opem.