Ugrás a tartalomhoz

Régi magyar irodalmi szöveggyűjtemény I.

Ács Pál (1954–), Jankovics József (1949–), Kőszeghy Péter (1951–)

Balassi Kiadó

SAMBUCUS AD I. PANNONIUM

SAMBUCUS AD I. PANNONIUM


      Iane, quis tua spiritus replevit
      Suavis pectora? quae plagas dearum
      Incultas subiit, Scythasque vico
      Andino fidibus placere fecit?
 5   En quo se extulit Ister ominosus?
      Ut iungit Tiberi suos liquore,
      Permessumque rigans, vehit novenas
      Cum lauro ex Helicone iam sorores?
      Annales, utinam, laboriosi
10   Prodeant, patriamque corruentem
      Virtutis moneant, speique avitae.
      Quis maiora potest tuis camoenis?
      Aut speret numeros disertiores?
      Tecum barbaricis poeta regnis
15   Exul vivere Naso maluisset,
      In diraque tomo, et gelu perusta
      Quidvis ferre miser, morique:
      Quam Sulmone diu frui beata.
      Quid si forte Maro Aonum relictis
20   Aris, duceret ad tuas Sacerdos
      Voto laurigeras lubens sorores?
      Vives carminibus perenne vates,
      Claraeque ingenii virum per ora
      Vigebunt mage cogitationes.