Ugrás a tartalomhoz

Régi magyar irodalmi szöveggyűjtemény I.

Ács Pál (1954–), Jankovics József (1949–), Kőszeghy Péter (1951–)

Balassi Kiadó

25. fejezet - CHRISTIANUS SCHESAEUS (SCHESER)

25. fejezet - CHRISTIANUS SCHESAEUS (SCHESER)

Erdélyi szász székbíró fiaként Nagy-Küküllő menti Medgyesen született, valószínűleg 1535-ben. Szülővárosában, Brassóban, Bártfán, majd 1555-től Wittenbergben tanult. Kolozsvárott kezdte prédikátori pályafutását, 1569-től haláláig pedig Medgyesen volt lutheránus lelkész. 1571-ben Báthori István poeta laureatusszá avattatta. Az erdélyi pestisjárvány áldozata lett 1585-ben.

Vallásos elégiáin kívül Stöckel Lénárdról írt életrajza érdemel említést. Fő műve a Ruinae Pannonicae (Pannonia romlása). Ez a 12 részből álló, vergiliusi stílusban megírt eposz a magyarországi és erdélyi történelmet beszéli el János király halálától fiának, János Zsigmondnak haláláig. Az 1540-től 1571-ig zajló eseményekről részben magyar nyelvű forrásokból, például Tinódi Sebestyén históriáiból, szedte össze az adatokat. Műve nem egyszerre készült, s csak részletei jelentek meg Wittenbergben, 1571-ben. A fennmaradt kéziratokból került elő az eposz VI. részének elégikus betétje, Kendi Anna históriája, amely egy főúri környezetben megesett házasságtörést és annak kegyetlen megtorlását énekli meg. Latin szövege évtizedekig lappangott, a történetet csak Hegedűs István 1916-ban közzétett fordításából ismertük, mígnem a legutóbbi időkben újra megkerült az eredeti kézirat.

Források: Christian SCHESAUS, Historia Annae Kendi […], kiad. Joachim WITTSTOCK, Gernot NUSSBACHER, Cluj-Napoca, Dacia Könyvkiadó, 1996, 44–100; Christianus SCHESAEUS, Opera quae supersunt omnia, kiad. CSONKA Ferenc, Budapest, 1979, 488–496.

RUINAE PANNONICAE

(Pars selecta)

LIBER SEXTUS

HISTORIA ANNAE KENDI

coniugis magnifici Ioannis Török, capitis damnatae ob adulterium, commissum cum Ioanne Szalanczio iuniore, provisore arcis Hunyad in Transilvania. Anno D. 1557.


      Ethnica testantur monumenta sacrique libelli
          Atroces poenas impia facta sequi.
      Idoli cultus, scortatio, crimina magna
          Urbibus et populis ultima fata ferunt.
 5   Exitium primo Venus attulit improba mundo
          Foedaque sulphurea luce Gomorrha perit,
      Attulit et fatum Troiae Priamoque superbum
          Illicitus Paridis Tyndaridisque furor;
      Longius ut prudens exempla petita relinquam
10       Haec eadem nosmet tempora nostra docent.
      Scilicet infelix quam sit vagus ardor amantum
          Quos lex nec ratio sanior ulla regit.
      Historiam idcirco veram et novitate placentem
          Accidit in nostra quae regione, canam.
15   Nobilium id facinus quia stemmate contigit amplo
          Ad persuadendum non leve robur habet.
      Non furiosorum vitiis delector amantum
          Demulsisse animum supplicioque meum
      Quin doleo tristem vicem casumque superbae
20       Stirpis quis dives clara vetustaque fuit.
      Una mihi, Satanae, cura est, pinxisse furores,
          Qualiter in vitium pectore prona trahat
      Dum carnis stimulos spreta ratione sequantur
          Poenarum rident horribilesque minas.
25   Hunyad Hatzogiis arx est habitate colonis
          Hac vetus Huniades nomen ab arce tulit.
      Sic natura loci bene communivit et arte est
          Structa, nec hostilis iam timet illa manus
      Primitus Huniades, tenuitque deinde Matthias
30       Rex, qui Pannoniae gloria gentis erat.
      Promptus ab hoc aevo vir consilioque manuque
          Imperium Ioannes Törökius tenuit.
      Qui rabidos longa prostravit cuspide Turcas
          Tinxit et hostili sanguine saepe manus,
35   Illius postquam lanugo tinxerat ora
          Senserat atque suas saeva Cupido facis;
      Partibus in multis illi pia quaeritur uxor
          Quae thalamo proprio congrua sponsa foret.
      Nec forma virgo, generis nec stemmate maior
40       Foeminea Kendii prole reperta fuit.
      Non sic aethereas nitet inter Cynthia stellas
          Dum pleno rutilans orbe serena micat:
      Illa velut quando divorum templa frequentans
          Ibat, virgineo concomitante choro
45   Progrediens quoties, spatiosa theatra revisit
          Ipsa putabatur nobilis esse dea,
      Forma parum prodest, si vita modestior absit
          Formosis nocu et forma pudore carens.
      Post ubi iuncta viro vinclo foret Anna iugali
50       Non poterat socium non redamare suum.
      Blanditias animo muliebri effudit in ipsum
          Ni tempus vetuit condtioque loci,
      Saepius optavit se cultu armare virili,
          Posset ut in bello sic comes esse viro
55   Postquam aliquot Phoebus cursu compleverat annos
          Frigidius solito pectus amantis erat.
      Nescio qua rabie diro aut cacadaemonis astu
          Percita in alterius cordabat ora viri.
      Atque hunc miratur, tacite secumque volutat
60       Qua mentem ardescens, expleat arte sua
      Forte aderat iuvenis tota spectabilis aula
          Cui dominus curam tradidit ipse domus
      Ille pharetricio telo confixus amoris
          Occulto dominae cepit amore frui.
65   Ac ipsam flexo quasi poplite pronus adorat,
          Illius ad nutus singula facta gerens.
      Donec ad extremum stimulante libidine victam
          Non puduit corpus prostituisse suum
      Non solum in tenebris, verum quoque luce serena
70       Venit in effectum, quod voluere duo.
      Quos nunquam heroes domuere pericula fortes
          Illecebris mulier fallore blanda potest.
      Insano iuvenem dominus iubet igne flagrantem
          Vicini ad pagi vertere tecta gradus
75   Triceam curet baculo dissolvere messem
          Ut posito sterili pulvere grana legat,
      Impatiens iuvenis sortis furiosus acerbae
          Longas in rapido culpat amore moras
      Nunciat interdum quod spe lactetur inani
80       Obsecrat et redeat, quo roget illa virum.
      Nunc morbos mortemque gravi praetendit amori
          Te nisi mox videam putre cadaver ero.
      Misit et his scriptam verbis aliquando tabellam
          Quam dedit ut famulus tradat agrestis herae:
85   „Anna vales, quiod si, vita mihi carior ipsa
          Gaudeo nam sine te nil mihi dulcerior.
      Te mea quidquid ago, solum praecordia spirant
          Et quo non possum corpore mente fruor
      Heu! quoties gemitus imo de pectore fundo
90       Quod procul amotus cogor abesse diu
      Unus quippe dies absenti est longior anno
          Praesenti citius mobile tempus abit.
      Sed te per divos per amores obsecro nostras
          Et si quid nostro maius amore datur.
95   Fac tandem redeam Cupidoque fruamur amore
          Deletur facile haud nam renovatus amor.
      Sicque volo, mea mens, mea spes, mea sola voluptas
          Omni momento sis memor ore mei.”
      Tradidit his verbis stolido diploma colono:
100       „Hera haec non alius nunc mea scripta legat.
         Nulli responde quamvis ad multa rogatus
             Cautius ut pergas, credita iussa vide.”
         Post ubi iussa dedit, notam defertur ad arcem
             Rusticus ut chartam porrigat asper herae.
105   Tunc sese infundit magna comitante caterva
             Törökius lusu tempora grata terens
         Pons erat abiectus, quo se venientibus offert
             Rusticus in curvo vomere rure terens
         Territus aspectu pulchro multusque virorum
110       Haesit et attonitus device tecta petit.
         Quaeritur a domino, quo pergat, quidve novarum
             Adportet rerum, quid velit, aut quid agat?
         Protinus extensis pandit secrete lacertis
             Haec, dicit, dominae scripta legenda fero
115   Haud mora dissolvit compacta ligamina chartae
             Atque avido citius pectore scripta legit.
         Mirum quod siccis ea cernere quivit ocellis
             Mirum quod tremulae non cecidere manus
         Spem vultu simulat, premit altum corde dolorem
120       Tempora vindictae commodiora notans.
         Instruit interea longaevam fraude ministram
             Quae iuveni ad scriptam vota petita ferat
         Praeterea currum rubeo cum tegumine adornat,
             Et quatuor celeres iungere curat equos.
125   Talibus et iuveni scriptis respondet amanti,
             Ut dictis maior sit maneatque fides:
         „Ad me rediit tua dulcis epistola nuper,
             Quam fuerit, nequeo dicere grata mihi
         Adspexi quoties toties suspiria duxi
130       Et totae lacrymis immaduere notae
         Cumque vices eadem nostri suppleret amoris
             Quae tibi debebam basia ferre tulit
         Mentis inops veluti te non praesente vagabor
             Nulla mihi, sine te, gaudia, nulla quies
135   Sine die oriens me lustrat abire cubili
             Seu nox ingratum cogat adire thorum
         Unum te cupio, tota te mente requiro,
             Tu mihi quae placeant gaudia solus habes,
         Dulcis amator ades per amore obsecro nostros
140       Nec differ redditum perniciosa mora est.
         Caetera, quae brevibus non sunt inserta tabellis
             Dexterius coram fida monebit anus
         Vive, valeque diu, melius valiture deinceps
             Cum fuerit nostri copia facta tibi.”
145   Postquam sollicita voluisset mente lituram
             ad dominae iuvenis iussa redire cupit.
         Ipsa etiam labro multum mentita senili
             Ut redeas tandem, sollicitabat, anus.
         Quam procul absit herus quam sint tuta omnia narrat
150       Perque Deum iurat, dictis inesse fidem.
         Credidit his ardens iuvenis, vesanus amore
             Omnia quantumvis ardua credit amor.
         Nec mora conscendit eorum celerique volatu
             Fertur, ubi fuerat, corpore, mente prius.
155   Quamprimum oblatem pervenit amator ad arcem
             Ordine perverso cuncta videbat agi.
         Obstupuit, steteruntque comae et vox faucibus haesit,
             Cumque sibi haud recti conscius, inde timet
         Mandato capitur sub vincula tractus herili
160       Ut male pro factis praemia digna ferat.
         Anna novi vero, nil prorsus conscia facti
             Horrendi arguitur criminis esse rea.
         Quaeque prius multis ibat comitata puellis
             Illa tenebroso carcere sola sedet.
165   Quae tulit in pulchro gemmata monilia colli
             Haec modo cum probro ferrea vincla gerit
         Quae lautis dapibus dulcique est pasta falerno
             Hanc modicus panis fontis et unda fovet
         Volvitur instabili fortuna volubilis axe
170       Fitque miser subito, qui modo dives erat.
         Discite non nimium fallaci fidere sorti,
             Omnibus insidias lubrica diva struit
         Venit moesta dies et ineluctabile tempus
             Cum duo debebant funera ad atra rapi.
175   Undique vicini, qui dicunt iura vocantur
             Ut sontes damnent supplicioque premant
         Carcere de tristi, postquam Anna educta tribunal
             Ante, viri infamis reddita voce fuit
         Scilicet exuto proprii quod amore mariti
180       Illicito alterius fervuit igne viri,
         Ac leges casti violans et iura pudoris
             Crimine adulterii commacultata foret
         Testibus et scripto facinus grave posse probari
             Omnes qui norint, nemo negare queat
185   Utque gravis possit comitare poena nocentis
             Qua dignos censent, lex nova mosque vetus ...
         Audissetque trucis perterrita fulmine legis
             Contra quem peccant quotquot in orbe vigent
         Ac primum conata nefas removere negando
190       Frustra, cum solis clarius igne foret.
         Postremo veniam incesta sic voce precatur
             Terribilis adstans iudicis ante pedes:
         „O utinam in mundum nunquam prognata fuissem
             Debebam in matris corpore clausa mori.
195   Aut mea, quam primum tepidis immergere undis
             Nutrix debebat frangere colla manu.
         Heu! Maculo summos praeclarae stirpis honores,
             Et mundi foedum sola KAAPMA vocor.
         Tyndaridis vulgo iam nomine appellor Achive.
200       Cuius adulterio Troia superba ruit.
         De me cantores dicent, scribentque poetae
             Rusticus ad stivam post mea furta canet
         Pensa trahent quando sera sub nocte puellae
             Murmura de nostro crimine semper erunt.
205   At quoniam tristes minuunt non fata querelae
             Ad sanctas potius dirigo vela preces,
         Teque oro obnixe, clemens miserere, marite
             Uxoris timida voce rogantis opem
         Ne, precor, ultricem ius in me congerat ensem,
210       Sed mihi tu vitam, tu mea vita, dato.
         Heu, decepta frequens scelus ex errore patravi
             Frena voluptatis dum mihi laxa manent
         Nullus in hoc mundo vivit quin saepius erret
             Ex omni nemo parte beatus erit
215   Si non angelicas turmas dux maximus inter
             Aetherea a lapsu tutus in arce fuit;
         Quis me Vestalem faciat? sum foemina; et anni
             Nunc mihi florentes gaudia multa parant
         Delicias inter crevi nutrita paternos
220       Pluribus insidiis me petiitque Satan.
         Te moneant mandata Dei, quibus ampla iubentur
             Delicta ex prompto mittere corde reis.
         Quos simul exactos concordes viximus annos,
             Si semel erravi, non rea semper ero.
225   Te quoque permoveant tria, turba domestica, proles,
             Ex te quem peperi ter nova facta parens
         Dedecus his ingens mea mors inhonesta parabit
             Prava etenim in natos facta parentis eunt
         Hisce fave precibus, sacra te per numina testor
230       Nunc mihi tu vitam, tu mea vita, dato.”
         Finibat maestis ubi tristia verba querelis
             Attentae advertit, qualia dicat herus,
         Erigit hic animum, vultumque ad sidera tollit
             Ac breviter dura talia voce refert:
235   Accuses frustra, qui te genuere, parentes
             In qua tu nata es, non quoque labe carent
         Esto etiam de te per publica compita turpis
             Rumor, quemve aetas nulla abolere queat
         Me nihil aut modicum tua fama inhonesta movebit
240       Quae meruit recte, praemia quisque capit.
         Errore id factum dicis, totumque per orbem
             Qui peccent homines, vivere, quotidie
         Exemplo sese defendit nemo malorum
             Exemplis maius lex sacra robur habet
245   Quamvis florueris iuvenilibus aptior annis
             Debebas coeco nullo furore regi,
         Vivere cum posses, proprio contenta marito
             Non Paris ex alia sede vocandus erat.
         Iussa Dei veneror, qui enormia crimina tristi
250       Legis censurae subiacuisse iubet.
         Praeteriti recolam, suades ut temporis annos
             De te iudicium sancius esse potest
         In melius raro permutat adultera mentem:
             Quae semel est, semper creditur esse mala.
255   Te sine curabo charam mea pignora prolem
             Tutor egenorum dicar, eroque pater.
         Hoc gemo, praeque aliis unum plus omnibus odi
             Quod mihi dissimilis sis adamata viro.
         Hoc norunt omnes, hoc garrula fama fatetur,
260        Quod mihi nec minimis aequa parendus erat.
         Si formam spectes, longe sum pulchrior illo
             Sive annos, aetas nec mihi maior adest
         Si genus et fulvi prostrata dona metalli
             Gazis et generis stemmate maior ero.
265   Cur mihi praefertur caecis nutritus in umbris
             Notitiam cuius nemo probatus habet.
         Scis Mahometanas quot straverit ense cohortis
             Pro patria maduit sanguine nostra manus
         Quid Paris ille potest, nisi turpes prodere flammas
270       Inque peregrinos cuncta locare sinus?
         I! nunc carnificis gladio caesura minacis
             Labentem salvet vivificetque Deus.
         Hinc ad supplicii loca tristia ducitur, auro
             Ornata, atque illa divite dote nitens,
275   Quam dederat sponsus geniali luce pudicus,
             Iret in amplexus cum nova nupta viri,
         Cum sic matronas lacrymosa voce pudicas
             Alloquitur tot corpore moesta tremens.
         Quandoquidem cogor praesentis commoda vitae
280       Linquere, et infami morte perempta mori,
         Ista meo, cupio referatis verba marito
             Christo, ea nequaquam frivola teste loquor
         Quae praegnatis aegro produxi pignora partu,
             Nequaquam alterius, sed sua dona sciat.
285   Diligat, ut se ipsum TOPA habeatque paternas
             Illius caro sunt, sanguis et ossa simul.
         Discite matronae castae nuptaeque puellae
             Uni, non multis, vele placere viro.
         Cras vobis, hodie mihi quae contingere possunt
290       Fortunae te lis obvia turba sumus.
         Nec mora fronte minax, oculisque horrentibus atrox
             Obscuro emissus carcere Turcus erat
         Is ferrugineo stabat mucrone paratus
             Saevire in iugulum pulchraque colla reae.
295   Quem cum conspexit deiecto pallida vultu
             Anna, ait effusis fletibus ora rigans,
         Supplicium infandum merui si crimine mortis
             Quae venit, ex aequo poena feranda venit:
         Pars mihi laudis erit dextra cecidisse mariti;
300       Hunnorum fieri lex et avita iubet,
         Aut aliquis saltem cognata ex gente corusco
             Vitam adimat lictor pallidus ense mihi
         Vah pudor! o facinus! quod cura parentis habetur
             Nulla mei fueram cui, neque nupta, viri
305   Ethnica vix unquam tam turpi foemina letho
             Succubuit: nec mors foedior esse potest.
         Ille Lares iussus patrios invisere crimen
             Prodet apud Turcas suppliciumque meum
         Sic ero totius notissima fabula mundi.
310       Cum foret hoc melius subtricuisse nefas.
         Si sciat haec genitor, fulvo non parceret auro
             Omneque quod locuples possidet arca daret.
         Regalemque murum crebris cum rege querelis
             Flecteret: amborum ut perdita salve ope.”
315   Haec memorans: capitis flammantem vertice vittam
             Sustulit in medium, composuitque comas
         Pronaque succiduo contingens poplite terram
             Ultima turbato haec pectore verba facit:
         „Iam moriens tibi, Christe, meam commendo salutem
320       Sis animae requies portus et aura meae.
         Parte meo sceleri, tua te per vulnera quaeso
             Tecum habitem in sancto post mea fata throno.”
         Vix ea fata, caput sceleri cadit ense revulsum
             Pingui ubi stat cervix, ardua iuncta gulae
325   Exequias postquam populus persolveret omnis
             Funebre sic tumulum carmen habere iubet:
         „Hic iacet illustri de stemmate nata propago,
             Quae turpi coniux iuncta in amore fuit.
         Exemplum veniens hinc utile colligat aetas,
330       In vetito quantum fellis amore fiet.”
         Ne vero incolumis dimissus lictor abiret
             Servorum vetuit fida vigilque cohors,
         Namque ligone cavum iussus fodisse sepulchrum
             Quomodo defunctae mollitor ossa cubent
335   Urget opus, nec se sua busta parare putabat
             Mentis inops fati et nescius ipse sui.
         Concidit et subito iugulum a cervice revulsum
             Tectaque sunt gelida membra cadentis humo
         Sic illam cadit in foveam, quam foderat ipse
340       Discitur ut turdus damna parare sibi.
         De nece iam paucis dicam, quam sensit adulter.
             Postquam damnatus iudicis ore fuit.
         Hunc per aquas, per agros, per saxa nemusque ligatum
             Ad caudam celeris tortor agebat equi,
345   Tandem cum longo cessaret vita dolore
             A iugulo lictor dissecat ense caput,
         Quatuor in partes discretaque membra secantur
             Cuius in exequiis plebs ea verba serit:
         „Pendet ab hac furca petulans suspensus adulter,
350       Qui cuculi alterius polluit arte thorum.
         Mentem ut distractam dum vixit, semper habebat
             Mors ita ei sectum corpus habere dedit
         Unius ut nec erat contentus amore maritae
             Uno supplicio sic neque dignus erat
355   Discite vos iuvenes ratione in amoribus uti:
             Non poenam effugiet quisquis adulter erit.
         Visis colloquim, tactus, iocus, oscula, lusus,
             Sunt teneris comites, hos fuge: tutus eris.”