Ugrás a tartalomhoz

Régi magyar irodalmi szöveggyűjtemény I.

Ács Pál (1954–), Jankovics József (1949–), Kőszeghy Péter (1951–)

Balassi Kiadó

ALIUD EIUSDEM AD CLARISS[IMUM] M[AGISTRUM] BOCATIUM, PATR[IAE] POET[AM] L[AUREATUM] C[AESAREUM], CASSOVIAM PROFICISCENTEM

ALIUD EIUSDEM AD CLARISS[IMUM] M[AGISTRUM] BOCATIUM, PATR[IAE] POET[AM] L[AUREATUM] C[AESAREUM], CASSOVIAM PROFICISCENTEM


      Nate dea, croceo genuit quem Aurora cubili,
          Cur tibi, dic, uno tempore dona ferunt?
      Caesar avem, coniunx puerum, Cassovia munus,
          Hungariden genius, metra sophi, aera duces.
 5   Nobilis es vates, pater es, factusque magister,
          Pannonius, Clarius, aureus, haec ratio est:
      Ito bonis avibus, pueros rege, civibus adsis,
          Pannonas exorna, praemia digna cape!
      Ito, tibi bona tot sunto, quot habet mare pisces,
10       Astra polus, gemmas India, saxa solum;
      Ver flores, messis spicas, vindemia botros,
          Bruma nives, ventos, frigora, ligna, faces.
      Te pater omnipotens cumaeos servet ad annos,
          Uxorem, sobolem, discipulosque tuos.
15   Te vivo vigeant latae Germanidos orae,
          Hungariae vigeant, teque docente, plagae.
      Denique digna tuo meditantem carmina Phoebo
          Pierius tollat te super astra chorus.