Ács Pál (1954–), Jankovics József (1949–), Kőszeghy Péter (1951–)
Balassi Kiadó
Divitior cum sim, cum sim te iunior, Ugo,
sanguinis et clari nobilitate prior,
cum melius cantem, cum pulchro pectore praestem,
cur dat nulla mihi, cur tibi nulla negat?
5 An te tam gratum fecerunt balnea nuper?
Nempe illic multis mentula visa tua est,
mentula, Sileni quantam nec vector habebat,
Hellespontiaco mentula digna deo.
Nimirum huic omnes se devovere puellae,
10 haec premit, haec dotes obruit una meas.