Ács Pál (1954–), Jankovics József (1949–), Kőszeghy Péter (1951–)
Balassi Kiadó
Rex pia Mathias in Turcos signa resumit,
nunc age de toto numina adeste polo.
Da clavam, Alcide, iuveni, da, Phoebe, sagittas,
Mars, gladium, Pallas, Gorgona, Castor, equum.
5 Mulciber arma para non ullis pervia telis,
qualia Pelidae, Dardaniove duci.
Hunc inter pugnae certamina vulnere ab omni
aegide praetenta, Iupiter, ipse tegas.
Quodsi lenta iuvant residis vos otia vitae,
10 solum siderea mittite ab arce patrem.
Ille suo custos satis est in proelia nato,
ille modo in caelo missile fulmen habet.